మూలుగు

ఈ రూపాలు
రంగులు మార్చుకుంటూ
వంచనా శిల్పానికి
అత్తర్లు అద్దుతున్నాయి
వ్యధాభరిత గాధలన్నీ
గతం తొక్కిన అడుసులై
నిద్రలేని రాత్రుల నేపధ్యంలో
దుఃఖాన్ని కావలించుకోవడమే
****
ఈ దుఃఖాలన్నింటిని కావలించుకుని
ఒక నిశ్శబ్దమైన రాత్రిలో
చీకటి పడకను చేరుకుంటాను
ఏముంది? నిరంతర పయనం తర్వాత
ఒక శిలాజంలా కరిగిపోవటం తప్పించితే
శబ్దాలన్నింటిని అరిగిపోయిన అక్షరాలుగ మార్చి
విసిరేస్తే శవాలపై జల్లిన పూలు మాదిరే

--- మల్లవరపు ప్రభాకరరావు
(1990 )

Comments

Post a Comment

Popular posts from this blog

అజాత శత్రువు

Image
"పనస తొనలకన్న పాల మీగడకన్న మధువుకన్న ముగ్ధ వధువు కన్న మల్లవరపు కవిత మధురాతి మధురమ్ము 'జాను ' తెనుగు మేలి జాను తెనుగు" (కరుణశ్రీ) సనాతన సంప్రదాయాన్ని మన్నిస్తూనే వాటిలోని బలహీనతలను త్రోసి రాజనగల జాతీయోద్యమ నవ్య భావకవిత్వోద్యమంలో నుండి అభ్యుదయ వాద కవిత్వోద్యమం ఆవిర్భవించింది.ఈ రెండు ఉద్యమాలే 20వ శతాబ్దపు సాహిత్యరంగాన్ని శాసిస్తున్నాయి.మొదటి దానికున్న ప్రాపంచిక దృక్పధం భావాత్మకమైనది.రెండవ దృక్పధం భౌతిక సాంఘిక, సామాజిక, రాజకీయాత్మక మైనది. ఇటు నవ్య సాంప్రదాయం అటు అభ్యుదయ కవితా దృక్పధం, దళిత, స్త్రీవాద ఉద్యమాలను మేళవించి వారధిగా నిలచిన యుగపురుషుడు నవయుగ కవితా చక్రవర్తి, మహాకవి జాషువా. ఆయన మార్గమును ఎన్నుకొని కవితా ప్రస్థానమును కొనసాగించిన మహోద్ధాత్త వ్యక్తి మధుర కవి జాన్. ఆధునిక భావజాలాన్ని వ్యక్తీకరించడానికి పద్యం వాహిక కాదని ఛందస్సు ఆటంకమని అభ్యుదయ వాదుల ఆరోపణ.శ్రి జాన్ కవి తెలుగు భాష లోని నుడికారపు సొంపు చేతను, ఉపమా,రూపక,అర్ద్థాంతర న్యాసాది అలంకారముల ప్రయొగముతోను, వర్గ సంఘర్షణ, దోపిడి విధానముపై తిరుగుబాటు,ఆర్ధిక వత్యాసాల నిర్మూలన,సమసమాజ...
Read more

మధురకవి మల్లవరపు జాన్ గారి పై సాహీతీ కౌముది ప్రత్యేక సంచిక

Image
కవిత్వంలోని వస్తువు, అభివ్యక్తులను బట్టి గుర్తించటమే ప్రతి కవికీ నిజమైన గుర్తింపు. అలాంటప్పుడు కుల, మత, ప్రాంతీయ భేదాలు పొడచూపవు. నిజానికి కవిత్వాన్ని ఇష్ట పడటానికి ఈ కొలమానాలు చాలా మంది చూస్తుంటారు. వీటితో పాటు అత్యంత ముఖ్యమైనది భావజాలం. భావజాలం నచ్చినప్పుడు పైవేమీ పెద్దగా ప్రభావాన్ని చూపకపోవచ్చు. ఇవేమీ కాకుండా, కేవలం కవిత్వాన్నే ఇష్టపడేవాళ్ళూ ఉంటారు. అటువంటి వాళ్ళు చాలా అరుదు. అసలు విషయం ఏమిటంటే, ఇటీవల సాహితీకౌముది త్రైమాసిక పత్రిక ఏప్రిల్ 2007 సంచిక చూశాను. దాన్ని మధుర కవి శ్రీ మల్లవరపు జాన్‌ 80 వ జయంతి ప్రత్యేక సంచికగా ప్రచురించారు. తెలుగు పద్య సాహిత్యాన్ని ప్రోత్సాహించే పత్రిక. దీనిలో చాలా మంచి వ్యాసాలు, కవితలు ఉన్నాయి. జాన్‌ కవి గారి గురించే కాకుండా, మరికొన్ని శీర్షికలు కూడా ఉన్నాయి. సాహితీ వార్తలు ఉన్నాయి. వ్యవస్థాపక ప్రధాన సంపాధకులు శిష్ట్లా వెంకట్రావు గారు మంచి సంపాదకీయం రాశారు. సంచికలో ఉన్న అన్ని వ్యాసాల పెట్టు ఆ సంపాదకీయంలో ఉంది. జాన్‌కవిగారి సమగ్ర వ్యక్తిత్వం ఆ సంపాదకీయంలో పెట్ట గలిగారు. సనాతన సంప్రదాయాన్ని మన్నిస్తూనే వాటిలోని బల హీనతలను త్రోసి రాజనగల కవులలో ఒకరుగా జాన్‌ క...
Read more